Транзиттік шоттар коммуналдық қызметті тұтынушылардың төлемін қорғайды

Қазақстанда коммуналдық қызметтер үшін төлемдерді қорғаудың жаңа тетігі енгізілуде. Елдің барлық өңірлерінде құрылатын Бірыңғай есеп айырысу орталықтары (БЕО) енді тұтынушылардан Бірыңғай төлем құжаты (БТҚ) бойынша түсетін барлық қаражатты екінші деңгейдегі банктерде немесе төлем ұйымдарында ашылған транзиттік шоттарға ғана жинауға міндетті.

Жаңа ережелер бойынша тұтынушылардан түскен қаражат алдымен транзиттік шотқа түседі, онда уақытша жинақталады, содан кейін автоматты түрде қызметтерді жеткізушілер (жылу, су, кәріз, электр энергиясы) арасында бөлінеді. Аудару БЕО деректерін өңдегеннен кейін үш жұмыс күні ішінде жүргізілуі тиіс.

Мұндай тәртіп транзиттік шоттар ақшаны мақсатсыз пайдалануға мүмкіндік бермейді. Қаражатты жеткізуші оларды ресми бөлгенге дейін жұмсай алмайды немесе ұстап қала алмайды. Бұл ашықтықты арттырып, тұтынушыларды қорғайды. Сондай-ақ есептеу жүйесіне халықтың сенімін арттырады. 

Өзгерістер Қазақстан Республикасы Өнеркәсіп және құрылыс министрінің 2025 жылғы 29 тамыздағы № 336 бұйрығы бойынша бекітілген.