Қаз

МЭКС туралы

Мақсат

2025 – 2029 жылдарға арналған «Энергетикалық және коммуналдық секторларды жаңғырту» (МЭКС) ұлттық жобасы жылу, электр және сумен жабдықтау желілері мен объектілерін, сондай-ақ су бұру жүйелерін кешенді жаңартуды көздейді. Ұлттық жобаны іске асыру апатты жағдайлар және инфрақұрылымның тозу деңгейін төмендетуге, халықты сапалы коммуналдық қызметтермен қамтамасыз етуге мүмкіндік береді, Қазақстанның тұрақты экономикалық дамуына ықпал ететін болады.

Жоба негізгі төрт бағыт бойынша іске асырылуда:

  1. энергетикалық және коммуналдық инфрақұрылымды жаңарту және салу;

  2. энергетика және коммуналдық секторлардың инвестициялық тартымдылығын арттыру;

  3. ішкі құндылықты арттыру;

  4. тарифтер көтерілген кезде халықтың шығындарын өтеу тетіктерін әзірлеу және енгізу.

МЭКС міндеттері:

Энергетика және коммуналдық секторлардың инфрақұрылымын (желілері мен объектілерін) жаңарту және салу

Кешенді цифрландыру бағдарламасын әзірлеу және енгізу;

Тұрақты және қолжетімді қаржыландыру механизмін құру

Отандық тауар өндірушілердің (ОТӨ) өнімдерін мейлінше пайдалануды қамтамасыз ету

Тарифтік жүктеменің халық шығындарына әсерін реттеу.