ЭКСЖ жобасына электрмен жабдықтау нысандарын жаңғыртуға қатысты өтінім көп түсті

«Тұрғын үй-коммуналдық шаруашылығын жаңғырту мен дамытудың қазақстандық орталығы» акционерлік қоғамының мәліметінше, еліміздің барлық өңірінен ЭКСЖ жобасына қатысу үшін 267 нысан бойынша өтінім түскен.

Еске салсақ, ТКШ ҚазОрталығы 2025-2029 жылдарға арналған «Энергетикалық және коммуналдық секторларды жаңғырту» ұлттық жобасының техникалық операторы. 

Олардың iшiнде ЭКСЖ-ның негiзгi төрт саласы бойынша жағдай мынадай: 

- 153 жоба электрмен қамту саласына қатысты (барлық өтінімнің 57,3%-ы);  

- 54 жоба жылумен қамтуға (20,2%);  

- 24 жоба сумен қамтуға (8,9%);  

- 30 жоба су бұруға (кәрізге) қатысты (11,2%);  

- 6 жоба сыртқы су құбыры және кәріз жүйелеріне қатысты (2,2%).

Электрмен жабдықтау саласында 13 өңірден өтінім берілді. Ең көп өтінім Ақмола облысынан – 32, Солтүстік Қазақстан облысынан – 30, Павлодар облысынан – 17, Жамбыл облысынан – 15, Жетісу облысынан – 15, Батыс Қазақстан облысынан – 14, Алматы облысынан – 8, Атырау облысынан – 6, Алматы қаласына берілді – 6, Астана қаласынан – 4, Қостанай облысынан – 4, Қарағанды облысынан – 1, Қызылорда облысынан – 1.