СҚО-дағы ЭКСЖ: Кәсіпорындар 51 млрд теңгеге 24 жобаны іске асыруды жоспарлап отыр

«Энергетикалық және коммуналдық секторларды жаңғырту» ұлттық жобасы аясында Солтүстік Қазақстан облысында 3 ірі табиғи монополия субъектісі халыққа көрсетілетін коммуналдық қызметтердің сапасын арттырады. «Солтүстік Қазақстан Электр желілерін Таратушы Компаниясы», «Петропавл жылу желілері» және «Қызылжар Су» кәсіпорындары 2026-2027 жылдары жалпы сомасы шамамен 51,3 млрд теңге болатын 24 жобадан тұратын пулді іске асыруды жоспарлап отыр, деп хабарлайды ЭКСЖ жобалық кеңсесі.

2026 жылдың басындағы жағдай бойынша «Солтүстік Қазақстан электржелілік тарату компаниясын» АҚ-та жалпы тозу 80,87%-ды, «Петропавл жылу желілері» ЖШС – 81,70%-ды, сумен жабдықтау саласында «Қызылжар Су» ЖШС – 56,7%-ды, су бұруда – 60,8%-ды құрады. 

Жобаларды іске асыру инфрақұрылым желілеріндегі технологиялық бұзушылықтардың апаттылығы мен санын айтарлықтай азайтуға, сондай-ақ тұтынушыларға коммуналдық қызметтерді тұрақты және сапалы ұсынуды қамтамасыз етуге мүмкіндік береді.

Жобаларды іске асыру инфрақұрылымдық желілердегі апат қаупін және технологиялық бұзылулар санын неғұрлым азайтуға, сондай-ақ тұтынушыларды коммуналдық қызметтермен тұрақты әрі сапалы қамтамасыз етуге мүмкіндік береді.

«Сонымен қатар, инфрақұрылымды жаңғырту желілердің тозу деңгейін кезең-кезеңімен төмендетуге, тиімділікті арттыруға және тұтынушылардың мүддесі үшін инфрақұрылым жүйесінің ұзақ мерзімді әрі тұрақты жұмыс істеуіне жағдай жасауға жол ашады», - деп хабарлады Табиғи монополияларды реттеу комитетінің Солтүстік Қазақстан облысы бойынша департаменті.

11 жобаны іске асыру нәтижесінде Солтүстік Қазақстан облысы ӨЭК шаруашылық бойынша тозу деңгейін 75,14%-ға дейін, жылу желілерінде (5 жоба) – 79,86%-ға дейін, «Қызылжар Су» (8 жоба) сумен жабдықтау бойынша – 54,7%-ға дейін, су бұру саласында – 61%-ға дейін төмендетуді көздеп отыр. 

Анықтама: «Энергетикалық және коммуналдық секторларды жаңғырту» ұлттық жобасы республика бойынша 2029 жылға дейін іске асырылады. Жоба коммуналдық инфрақұрылымның тозуын 40%-ға дейін төмендетуге және апат қаупін 20% қысқартуға бағытталған.