ЭКСЖ аясында сатып алулардың ашық жүргізілуін кім бақылайды

2025 жылғы 25 тамыздағы №313 ҚР Өнеркәсіп және құрылыс министрі Е. Нағаспаевтың бұйрығына сәйкес, «Энергетикалық және коммуналдық секторларды жаңғырту» жөніндегі ұлттық жоба аясындағы сатып алулардың электронды платформасының әкімшісі ретінде «Самұрық-Қазына Контракт» ЖШС бекітілді.

Құжаттың басты мақсаты – цифрлық платформаны басқаруға және дамытуға жауапты ұйымды тағайындау. Ол арқылы ЭКСЖ ұлттық жобаның негізгі процестері іске асырылады. Шешім «Тұрғын үй қатынастары туралы» Қазақстан Республикасы Заңының 10-11 бабының 3 тармағына сәйкес қабылданды.

Электрондық сатып алу платформасы жобаларды жоспарлау мен келісуден бастап, қазақстандық тауар өндірушілерден жұмыстарды, көрсетілетін қызметтер мен тауарларды сатып алуға дейін Ұлттық жобаға қатысушылардың өзара іс-қимылының толық циклін қамтамасыз етеді. Сондай-ақ, жүйе офтейк-келісімшарттар жасасу және жобаларды іске асыру мониторингі үшін пайдаланылады.

Сатып алу бойынша цифрлық жүйе әкімшісінің негізгі міндеттері:

• платформаның үздіксіз жұмысын және техникалық қолдауын қамтамасыз ету;
• қатысушыларды және қолжетімділікті тіркеуді басқару: платформа өтініш берушілерді (табиғи монополиялар субъектілерін, әлеуетті өнім берушілерді) және уәкілетті тұлғаларды (Техникалық, Қаржы операторларын, Тарифтік реттеуішті, ЖАО) тіркеу үшін пайдаланылады.
• сатып алулар мен конкурстар туралы хабарландыруларға ашық қолжетімділікті қамтамасыз ету;
• техникалық олқылықтар болған кезде өтінім беру мерзімін ұзарту;
• ақпараттық қауіпсіздікті қамтамасыз ету және техникалық қолдау қызметінің көмегімен пайдаланушылардың іс-әрекеттеріне ішкі аудит жүргізу.

Әкімшіні анықтау ЭКСЖ ұлттық жобасын жүзеге асыру аясындағы сатып алуларды орталықтандырылған әрі ашық түрде басқаруға мүмкіндік береді. Бұл бюджет қаражатының тиімді әрі мақсатты жұмсалуын бақылауды күшейтеді.