ЭКСЖ аясында жобаларды міндетті түрде бақылау қалай жүзеге асады

ЭКСЖ аясындағы міндетті мониторинг Қазақстан Республикасы Индустрия және құрылыс министрінің 2025 жылғы 12 тамыздағы №297 бұйрығы бойынша бекітілген. Бұл бұйрық энергетика және коммуналдық инфрақұрылымды жаңғырту мен салу жобаларын жоспарлау, іріктеу, келісу және мониторинг жүргізу ережелерін айқындайды және жобалардың толық өмірлік циклін реттейді.

Ережелер жобаның барлық кезеңінде міндетті мониторинг жүргізуді белгілейді:  

Техникалық оператордың мониторингі: техникалық оператор нысандарды жобалау, салу, қайта құру, жаңғырту және пайдалану процестеріне мониторинг жүргізеді.

Нені бақылайды: мониторинг барысында жабдықтар мен материалдардың сапасын, құрылыс-монтаж жұмыстарының орындалуын, сондай-ақ қазақстандық тауар өндірушілердің қатысуын бақылайды. 

Қалай бақылайды: мониторинг Электрондық платформа арқылы жүргізіледі. Ол үшін тапсырыс берушінің деректері мен нысандарды көзбен шолу (тоқсанына кемінде бір рет) арқылы фото және видео тіркеу қолданылады.

Бұзушылықтар анықталған жағдайда: техникалық оператор арнайы есеп жасап, оны табиғи монополия субъектісіне, жергілікті атқарушы органға, Қаржылық операторға және басқа да қатысушыларға жібереді. Сонымен қатар, бұл есеп электронды платформада жарияланады.

Пайдалану кезеңіндегі мониторинг кепілдік мерзімі аралығында жүргізіледі. Оның мақсаты – жоба нәтижелері шартта белгіленген негізгі көрсеткіштерге (мысалы, сапа немесе тиімділік параметрлері) сай келетінін немесе келмейтінін тексеру.

Осылайша, №297 бұйрық коммуналдық және энергетикалық инфрақұрылымды жаңғыртуға қатысты барлық үдерістердің ашықтығын, техникалық, қаржылық және тарифтік деңгейдегі көпсатылы қадағалауды, сондай-ақ барлық кезеңде цифрлық бақылауға мүмкіндік беретін негізгі құжат болады. 

Егжей-тегжейлі: Энергетика және коммуналдық секторларды жаңғырту жөніндегі ұлттық жоба шеңберінде тұрғын үй қатынастары және тұрғын үй-коммуналдық шаруашылық саласындағы жобаларды жоспарлау, іріктеу, келісу, жобалау, салу және (немесе) пайдалану процесінің мониторингі қағидаларын бекіту туралы Қазақстан Республикасы Өнеркәсіп және құрылыс министрінің 2025 жылғы 12 тамыздағы № 297 бұйрығында көрсетілген. Қазақстан Республикасы Әділет министрлігінде 2025 жылғы 12 тамызда № 36606 болып тіркелді.