Орал қаласы, «Строитель» шағын ауданындағы орамішілік желілерді қайта жаңғырту

Кварталішілік жылу желілері 1979-2010 жылдар аралығында салынған. Бұл шағын аудандағы құбырлардың пайдалану мерзімі 15-40 жыл. Жылу желілерінің тозу деңгейі 82,5%-ды құрайды. «Строитель» шағын ауданының кварталішілік жылу желілері жер асты және жер үстімен жүргізілген, жалпы ұзындығы 8,831 км. «Строитель» шағын ауданындағы кварталішілік тарату желілерін қайта құру Циолковский, Шолохов, С. Датов және Әбілқайыр хан көшелерінің шекарасы аумағында қолданыстағы желілер трассасы бойымен құбырларды қайта төсеуді қарастырады. Қайта құру барысында МЕМСТ 10705 стандарты бойынша 20 ст. маркалы болаттан жасалған, диаметрі 2Д57–426 мм құбырлар төселеді. Құбырлар пенополиуретанмен (ППУ) және полиэтилен немесе мырышталған болат қабықпен қапталып жерге төсеу тәсіліне байланысты жылу оқшаулауланады. МЕМСТ 30732 стандартына сәйкес ППУ оқшаулауы бар құбырлар, жылу оқшаулау қабатының ылғалданған учаскелерін анықтау үшін жедел қашықтан бақылау жүйесімен (ЖҚБЖ) жабдықталады. Сонымен қатар жертөле ішіне төсеу кезінде МЕМСТ 10705 бойынша 20 ст. маркалы болат құбырлар қолданылып, олар тігісті маттармен оқшауланып, қорғаныш қабатымен қапталады. Жоба аясында трасса бойындағы барлық бекіту арматурасы, сондай-ақ темірбетонды өтпейтін канал элементтері, жылжымалы және қозғалмайтын тіректер, бекіту арматурасын қызмет көрсетуге арналған металл баспалдақтар мен алаңшалар демонтаждалып, қайта монтаждалады. Бекіту арматурасы энергия үнемдейтін жылу оқшаулағыш материалдармен және сұйық жылу оқшаулағышпен (жобалық шешімге сәйкес) оқшаулау қарастырылады.